Synest du at det er mange konferansar i løpet av eit år?
Det synest vi. Difor har vi samla etablerte konferansar innanfor folkehelse, idrett, kultur, frivilligheit, friluftsliv, integrering, inkludering og samfunnsutvikling til årets store møteplass i Vestland: Styrke i samspel 2026.
Her får du det same gode – og litt til. Styrke i samspel 2026 er ein møteplass der du
- får kunnskap og inspirasjon frå dyktige bidragsytarar
- kan utforskar felles utfordringar og moglegheiter saman med relevante samarbeidspartnarar
Det felles målet vårt er å fremje gode lokalsamfunn, der frivilligheita, det offentlege, næringslivet og innbyggarane styrkar kvarandre og spelar på lag.
Kva kan du vente deg?
Du finn ei oversikt over planlagt program under. Programmet oppdaterast fortløpande.
Programmet er delt i fire parallelle spor:
Spor 1: Er vi beredt? Utfordringar møter oss overalt – på idrettsbana, på arbeidsplassen, i kvardagen og i verdssamfunnet. Korleis kan vi førebu oss betre, både som enkeltmenneske og som samfunn? I denne bolken utforskar vi korleis vi kan byggje robustheit og handlekraft for framtida
Spor 2: Frå BUlyst til BLIlyst!Bulyst handlar om meir enn vakre omgjevnader. Det handlar om infrastruktur, møteplassar, aktivitet og kvardagsliv. I denne parallellen undersøker vi kva som gjer lokalsamfunn attraktive – og korleis vi kan bygge dei slik at folk både blir, trivst og deltek.
Spor 3: Eit samfunn for alle?Kva skal til for at alle kan delta i fellesskap – på skulen, i arbeidslivet og på fritida? Vi løftar fram konkrete utfordringar, men også løysingar, som fremjar inkludering, deltaking og livsglede gjennom heile livet.
Spor 4: VerktøykassaPraktisk, konkret og rett på sak. Denne parallellen gir deg verktøya du treng for å samhandle, drive utviklingsarbeid, søke midlar, planlegge prosjekt og arrangere aktivitetar på ein god og inkluderande måte.
Fredag 16.oktober kl. 09:30-12:00 vil arrangerast som ein felles sesjon.
I tillegg til dette blir det sosiale kveldsarrangement og nokre spreke morgonaktivitetar. Meir informasjon om dette kjem snart!
Programmet under oppdaterast fortløpande.
Kvar?
Arrangementet går føre seg i ulike lokaler i Bergen:
Programmet vil oppdaterast med nøyaktig informasjon om kvar den enkelte sesjon vil finne stad.
Påmelding til parallelsesjonar vil skje etter at påmeldingsfristen til konferansen er ute.
Dette vil du som er påmeldt få meir informasjon om i ein e-post når konferansedato nærmar seg.
Kjøp billett til Styrke i samspel 2026 her.
Helen Ødven
Jakob Gyring
Astri Sudmann
